Maayarka Hargeysa Oo Wareegto Ku Soo Saaray Dhul Uu Asteeyay Xabaalo, Wershadaha iyo Xeryo Ciidan.

soltelco

(Duulnnews) Tuesday, February 03, 2015 07:45:37.
Wareegtada Maayarka Hargeysa oo dhammaystiranina waxay u dhignayd sidan:

Hargeysa, Somaliland (Duulnews): – Maayarka Caasimadda Somaliland ee Hargeysa, Cabdiraxmaan Maxamuud Caydiid, ayaa maanta wareegto Maayar oo uu soo saaray waxa dhul cusub ugu asteeyay Xabaalo, Dhul Wershadaha ah iyo Xeryo ay Ciidamada Qaranku ka degaan Caasimadda Hargeysa hareeraheeda.
Wareegtada Maayarka Hargeysa oo dhammaystiranina waxay u dhignayd sidan:

Degreeto Maayor 002/02/2015
Duqa Caasimadda Hargeysa, ahna guddoomiyaha Golaha Deegaanka Caasimadda Hargeysa, isaga oo ka duulaya baahida loo qabo xabaalo loo sameeyo Caasimadda Hargeysa, iyada oo ay buuxsameen Xabaalihii Xeedho iyo Naaso-hablood iyo dhul loo asteeyo Industrial Zone ama dhul warshadeed.
Duqa Caasimadda Hargeysa:
Markuu arkay: Sharciga Wasaaradda Arrimaha Gudaha ee Maamulka Gobolada & Degmooyinka JSL ee Xeer No: 23/2002, Qodobkiisa 40aad
Markuu Arkay: Sharciga

Maamulka Dhulka Magaalooyinka JSL ee Xeer No: 17/2001, Qodobkiisa 1aad, Xubintiisa 1aad oo lala akhriyayo Dastuurka Dalka JSL Qodobkiisa 12aad Iyo Qodobkiisa 2aad Xubintiisa 1aad iyo 2aad ee Xeer No: 17/2001
Markuu Arkay: In ay lagama maarmaan tahay in la helo Xabaalo ay leedahay Caasimadda Hargeysa maadaama ay buuxsameen Xabaalaha Xeedho & Xabaalihii Naaso-Hablood
Markuu Xaqiiqsaday: In loo baahan yahay dhul laga sameeyo Xabaalahaasi iyo Dhul ah Industrial Zone ama dhul Wershadeed oo looga baahan yahay Caasimadda Hargeysa
Markuu Tixgeliyay: Tallada Masuuliyiinta ay khusayso

Wuxuu Go’aansaday
Duqa Caasimadda Hargeysa, ahna Guddoomiyaha Golaha Deeganku markuu la tashadey Cuqaasha, Salaadiinta, Culimada, Wax-garadka iyo Aqoonyahanka waxa uu go’aansaday:
a) Duqa Caasimadda Hargysa isagoo ka duulaya asbaabaha sare ku xusan waxa uu u aqoonsaday dhulkii dabridka Ciidanka ee Caasimadda Hargeysa sidan hoos ku cad:
1) 2kms X 1kms ee waqooyiga dhulkii Dabridka Ciidanka Caasimadda Hargeysa waxaan u aqoonsaday Xabaalo, maadaama ay buuxsameen Xabaalihii Xeedho & Naaso hablood
2) 2kms X 1kms ee Koonfurta dhulkii dabridka ciidanka waxaan u aqoonsaday Industrial Zone ama dhul Wershadeed oo ay kiraynayso Dawladda Hoose ee Hargeysa.
b) Sidaasi darteed, Maadaama aynu ognahay in difaaca ciidanka qaranka caasimadda Hargeysa inuu u baahan yahay dhul baaxad leh, waxaan u asteeyay labadan goobood ee kala ah sidan

  1.  Buurta Naaso hablood oo dhinac walba ay ka xigto (2kms)
  2. Buurta Naas Abaarso oo dhinac walba u ah (2kms)
    Ugu dambayn Masuuliyiinta Ciidanka Qaranku waa inay ka sameeyaan Xeryo Ciidan, ilaaliyaana labadaasi goobood in aan la dhalan rogin Aasaarta Qadiimiga ah ee ku taal Caasimadda Hargeysa.

    Allaa Mahad leh
    Cabdiraxmaan Maxamuud Caydiid
    Duqa Caasimadda Hargeysa, ahna Guddoomiyaha Golaha Deegaanka Caasimadda Hargeysa.

Xafiiska Warqabadka Duul media

Duulnews.com

duulnews@gmail.com.

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>