Xeer Saxaafadda Lagaga Joojinayo Wararka Qabyaaladaysan Oo La Hirgalinayo

GuddiDuulnews)-Guddida Aqalka Wakiilada Somaliland u qaabilsan Ilaalinta hantida qaranka iyo dabagalka Musuqmaasuqa oo Sabtidii kulan la yeeshay Masuuliyiinta Wasaaradda Warfaafinta Somaliland, ayaa sheegay inay isla waafaqeen sidii loo hirgalin lahaa xeer qabyaaladda hoos loogu dhigo, gaar ahaana in Saxaafaddu baahiso wararka ku salaysan beelaha.

 

Gudoomiyaha Guddida dabagalka Musuqmaasuqa oo arrintan ka hadlaya ayaa sheegay in xeerkaasi la samayn doono “Waxa xusid mudan in aannu isla qaadanay Wasaaradda Warfaafinta in maanta warbaahinteena ku badan tahay annagoo reer hebal ah ama waxayaabaha qabyaaladda ah, annaga ka gudi ahaan iyo wasaaraddu waxa aannu isla qaadanay sidii aannu u soo saari lahayn xeer xakamaynaya arrintaa in aan qabyaaladda lagaga dhaqmin saxaafadda in aannu si wadajira u soo wada saari lahayn,” ayuu yidhi Md. Maxamed Cali Xirsi.

 

Wasiirka Warfaafinta Cabdillaahi Cukuse, ayaa qiray ballamo badan oo uu guddida kagaga baxay, isagoo cudur daar ka dhigay inuu hawlo qaran ku maqnaa “Waxa jiray kulamo hore oo naga baaqday annaga iyo guddida oo aannu is ogayn, mar waxa ay ahayd maalintii Madaxweyne-ku-xigeenku dalka ku soo laabanayey, maalina howlaha qaranka uun baanu wadnay, manay jirin sabab kale, maantana wasaaradda oo isku dhan ayaa u timi Guddida,” ayuu yidhi Mr Cukuse.

 

Kulanka Guddida ilaalinta hantida Qaranka iyo dabagalka Musuqmaasuqa iyo Madaxda Wasaaradda Warfaafinta ayaa imanaya xilli khilaaf ka taagan yahay Wasaaradda. Waxaa sidoo kale sanaddadii u dambeeyay Bulshada Somaliland ku batay dadka arrimaha dalka iyo kuwooda gaarka ah uga hadla hanaanka beelaysan ee saxaafadda adeegsada.

 

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>